السلام عليكم ورحمة الله وبركاته
صباحكم \ورد وياسمين
الموضوع باين من العنوان
من فترة ليست بطويله راحت اختي
لسوق السالمية وبعد ما خلصت
حاجتها وبنفس اليوم كانت اختي
وزوجها حصل بينهم خلاف بسيط
المهم بعد ماركبت اختي سيارتها
جائت ذيك الحرمه اختي عبالها
طراره = شحاته = قالت لها اختي
الله يرزقج مع العلم انه اختي كان
بجنطتها 500 دينار لانها داشه جمعية
وبتروح تعطي الحرمه اللي عليها الدور
بالجمعية المهم واختي تقولها الله
يرزقج جان الحرمه تقول لاختي انتي
زعلانه على زوجج وانتي عندكم وحده
منج وفيج تكرهج وحاستج وهي
قريبه منج وايد يعني من الاهل اختي
من النوع الجبانه صكة باب سيارتها
ولما بقت اختي ترجع ورا بسيارتها
قالت لها الحرمه جنطتج فيها 500
دينار وتعالي اشوف لج الكف طبعا
اختي من الخرعه 5 دقائق والا اهي
بالبيت ههههههه من السالمية لين
البيت وقالت لنا سالفتها مع الحرمه
وقعدنا نقراء عليها لين هدت
بعد يومين راحت اختي الصغيره
لخيطان علشان تحول فلوس حق ناس
وكان عندها 200 دينار من غير فلوس
الحواله المهم عاد اختي غرامها
محاميد هههههه صرفت 100 وباقي
100 وهي طالعه من السوق وركبت
سيارتها جتها وحده وقالت لها انا
اشوف الكف عطيني يدج اشوفلج
قالت لها اختي لا لا شكر انا مصلية
وصايمه وذاكره ربي ومابي اضيع
صلاتي ب هالخرافات واتحمل ذنب
المهم قالت الحرمه حق اختي زين
عطيني فلوس قالت لها اختي ماعندي
قالت الحرمه لا لاتجذبين انتي عندج
في جنطتج 100 دينار صرفتي 100
وباقي 100 طبعا اختي هذا الله خلقها
بس حق الصدمات ههههههه جان
تقول ماعندي يالله روحي ردت الحرمه
وقالت انتي مخطوبه وامج موراضية
جت تبي تمسح على صدر اختي
تذكرت اختي ان عندها سي دي
سورة البقره وقامت اختي وعلت على
المسجل والا الحرمه تصرخ وتقول لها
لا لا لا خلاص خلاص طفيه طفيه
واختي تحلف تقول بس لفيت علشان
اشوف الباب اللي يمي مسكر ولما
التفت صوبها ولا اثر لها وجاها رجل
صعيدي يقول لاختي يابنتي ربنا
يشفيكي انتي الزاي تسوقي وانتي
مجنونه ههههههه قالت اختي انا
مجنونه = مجنونه بعينك قالها الرجل
انا من اليوم اشوفك تكلمين نفسك
ولا عندك احد اديني رقم اهلك اكلمهم
قالت اختي والله كان في حرمه معاي
رد الرجل وقال يابنتي اقسم بالله انتي
من طلعتي من السوق وانا وراكي
خفت عليكي من الشبان اصله انتي
فيكي شبه كتير من بنتي علشان
كدا كنت اراقبك من طلعتي من السوق
ومن ركبتي السيارة قعدتي تكلمي
نفسك مفيش حد حوليكي
بـــــعـــد اســـبــوعـــيــن
وكان حزت معاشات رحت انا واختي
اللي كانت بالسالمية واختي الثانية
الي كانت بخيطان
رحنا الفروانية سوق كرز وانتو تعرفون
انه البنك الوطني مقابل لسوق
واحنا نبي نصفط السياره ولا اختي
ام خيطان شافت الحرمه جايه صوبنا
طبعا اختي استنزلت هههههههه من
شافت الحرمه وقعدنا نهدي فيها
نبي نعرف شالسالفه طبعا اهي من
الخرعه بس تقول أ أ أأ وتاشر ولما
التفت انا واختي ام السالمية
والا تستنزل الثانية وكل وحده تقول
كاهي كاهي اهي اهي طبعا انا
تصرقعت ولا ادري شالسالفه وكانواا
يصرخون خواتي وقولون لي حطي
قرآن حطي قرآن وانا طبعا حطيت قرآن
مع الدعسه ههههه وهي الحرمه
لما سمعت صوت القران قانت تركض
بين السيارات وانا عيني عليها طبعا
واختفت تماما انا حسيت جسمي
يرتعش واتصلت على اخوي وقمت
القط الشباب وخليتهم معانا لين جاء
اخوي وربي اللي يقرا موضوعي
عباله فلم هندي او فلم رعب
بس هو رعب حقيقي وليس فلم
وانتبهو يا بنات
واسفه على الاطاله
حصنواا انفسكم وانتم طالعين
الخميس سبتمبر 29, 2011 2:34 pm من طرف 
.gif "عضو مجتهد")
